Sidaamu qoqqowi Industirete latishshi biiro Massagaanonna Xaphooma Loosaasine Fichee-Cambalaallate Ayyaana iibbino Garinni Ayrrissu
Hawaasa, Badheessa 7/2018 M.D Industirete Latishshi Biiro Dagate Xaadooshshi Dayrekitoreete.
Sidaamu qoqqowi industirete latishshi biiro Massagaanonna Xaphooma Loosaasine 2019 M.D Fichee-Cambalaallate Ayyaana biirote deerrinni Iibbino Garinni Ayrrinsanni hee’noonita xawinsonni.
Barete Leelle Sokka Saysinohu Biirote Sooreessi Kalaa Ashaagire jenberihu coyiranni Fichee-Cambalaallate Diru Soorro Ayyanna ikkasinni , ficheete Cambalaalla ooso burraaqqannote, saada kalo qolleenna boole ittannote, jawu ooso riqiwe saadanniwa hosannote.
Ledotenno, hattonno Cambalaalla oosonnite,saadannite. Cambalaalla saadanna oosicho wodambuunni digannannite; kalaqamu aana busha qaale afiinni so’neno difushi’nannite.
Fichee_Cambalaallate Ayyaani Sidaaminni Sae Kalqete Dona Ikkasinni Xa Hee’noommo Ilama Giddose Amaddino Hornyubba Garunni Amande Ilamate Saysa hasiisanota biirote sooreessi sokkasi lede sayisinno.
